完成了 為期7日的日本東京之旅0係7月5日完滿結束，亦即係代表左我就黎又要返工了...唉.. 不過點都好，呢7日真係過得好開心，一方面可以唔駛為工作gei事煩惱 (雖然返到公司一定有大把野要follow返)，另一方面又可以滿足到shopping gei 需要 (不過仲有d野未買到)，再加上可以食到0係香港食唔到gei好好味食物 (拉麵、壽司、天婦羅等等)，7日gei時間真係未必夠，所以我一定會再去日本多幾次的！ 第一日︰ 朝早4點幾起身，趕搭8點鐘gei機出發去日本，心情有點興奮，但神情有點呆滯，身體有點疲倦.. 去到成田機場已經接近日本時間下午兩點鐘，但天公不做美，去到日本竟然落雨！OMG！拖著行李箱去揾路再加埋落雨真係一件正到爆gei事情，仲記得上次有呢種情況出現係我去三藩市gei時候，果時又凍又濕，又得自己一個人，諗起都覺得辛苦。 狼狽地揾到下榻的酒店便隨便0係新宿地區走走，但因天雨關係搞到冇乜mood 行，再加上sales未開始，呢日都係係咁易行下就算~ 夜晚去左食旅遊書介紹的北澤俱樂部食迴轉壽司，食左一啖之後只可以講一句話︰好好味呀！！！ 我敢肯定，0係香港一定食唔到咁好味咁新鮮的壽司，無論係貴價的定係較平民化的壽司都比香港食到gei 好味好多倍，亦都令我地firm左黎緊gei呢個月都唔駛再0係香港食日本野... 第二日︰ 0係我誠心祈求下個天終於都冇落，而今日我地就長途拔涉地走左去箱根，大大話話我地用左真係成3個幾鐘先去到目的地，都真係幾舟車勞動下... 去到海拔1200幾米gei地方去睇火山口、去食黑色gei蛋蛋、去參拜寺廟、去食喬麥麵 (我覺得一般)，就差在冇浸溫泉，有d美中不足gei缺憾，不過亦都比多自己一個再去gei理由。 火山口附近有好濃烈gei琉璜味，但係d蛋蛋又冇果一陣味wor，真係幾得意呢，不過其實佢只係個殼係黑色之外同普通烚蛋係一樣的，所以有dd失望... 返返去新宿，食左個日本史上首間咖哩店 – 中村屋，佢d咖哩的確係幾香的，不過就貴左d，極其量只可以講物有所值，不過一場黎到，冇理由唔試ga~ 第三日︰ 呢日打算去進行shopping大計，所以目的地係shopping區域 – 原宿、渉谷、表參道。 一早0係7仔食左個炸熱狗，係咁易醫左下肚就出發，但係去到果度淨係得agnes b 有sales，其他地方都未開始sales，所以今日都係以行下、睇下居多。 晏晝去左食拉麵，好好味，個湯底真係超好飲，隻蛋又好味，不慚係人氣之選，好味程度達至9星半！ 繼續行行行，都係睇下d department store同埋一d大brand gei 專門店，亦都揾到唔少target~ 夜晚去左食自助烏冬，有d hea，不過勝在價錢夠平民化，亦都夠大碗~ 第四日︰ 又係觀光日，去左橫濱，橫濱係一個近海gei地方，附近d人都幾relax，地方亦都好靚，有輕微海風吹下吹下咁，唔錯唔錯。 去左幾個景點，摩天輪、紅磚倉庫等等，行左陣，影左下相就去左佢個outlet，一黎就去左旅遊書介紹gei 庵列飯專門店 Sam Choy’s 到食飯，算叫做ok 啦，我覺得酸左少少，不過d蛋係幾滑，價錢亦都合理。 行outlet，睇左唔少舖頭，不過就買唔到d咩，可能係我眼角太高ba~ 之後去左六本木個Mori Tower 睇夜景，東京gei夜景同香港gei夜景有好大分別，香港高樓大廈多，樓房密集，相反東京地方大d，樓矮d，亦都有多d空間in between d 樓，車冇咁多，亦都有座東京鐵塔0係到發出燈紅色gei光芒，可惜的是我地唔可以出去露天地方影相，如果唔係影出黎gei相就會少d玻璃gei反光了... 夜晚好似食左博多天神拉麵，又係好好味的，門面up dup不過野食一流，正！ 第五日︰ 今次真係開展左shopping之旅，0係池袋同新宿地區行黎行去，買左唔少野，袋啦、衫啦、tie啦、總之就係大出血啦！ 食左d咩呢今日… 嗯… 早餐好似咬左個麵包，lunch好似食左Mos Burger，夜晚好似食左松屋gei牛肉飯，比香港吉野家好食好多，點解日本d野食可以好味咁多ga lei? 第六日︰ 一早起身去左築地魚市場，打算食新鮮gei魚生，但係估唔到真係有咁多人排隊，所以我地冇去食旅遊書介紹果兩間舖頭而去左隔壁果間食，有d失望，比我第一食gei差，亦都有d貴... 相反，0係場外市場就有好多其他野睇同買，玉子燒、鰻魚串、燒元貝，我地仲0係街市到買左盒大大粒帶子即食，睇黎呢日我會肥左兩磅... 食飽飽就又去shopping，去返原宿同渉谷，買左一d自己冇expect過會買gei野... 再晏d去左台場，台場又係一個海邊城市，風景幾靚，好relax，亦都0係到影左好多相，果度有一個同紐約差不多gei自由神像(係細d)，有一座幸福摩天輪，有幾靚gei海邊，睇左個都ok gei 日落，不過講開日落，我始終都係覺得0係美國San Diego gei La Jolla 日落真係一絕，可以講係我暫時睇過最靚gei日落~ 因為我地朝早食gei壽司只係一般，所以我地返到新宿之後又去左食壽司，不過始終都係第一日食gei最好食！ 第七日︰ 最後一日la，十個唔想返香港，不過亦都係最後一日，所以我地要好好珍惜埋呢一日！ 我地一早連人帶行李去上野，打算0係果度d locker到放置好行李就去玩，但係竟然全線locker都唔用得！！！OMG + WTF！ 結果我地就只可以帶埋d行李去淺草，雷門、淺草寺呢d地方一定唔少得，求左支籤，竟然係一支凶籤...佢叫我今年咩都唔好做，咩都唔好轉，總之就最好咩都唔好有改變...唉. 不過咁，我唔會比支籤搞到我唔happy gei，咁之後我地就去左手信街，另外，今日最正就係食到好好味gei大黑家天婦羅，佢用gei粉漿真係比香港用gei好唔知幾多倍，所以炸出黎gei天婦羅真係好好味，貴但係貴得有道理！ 攞埋d行李就去機場，亦都signal左我地一連7日gei日本chur爆之旅告一段落，雖然唔拾得，但就係因為唔拾得而比左一個drive我下次再去！ 日本，等我！ p.s. 要睇相gei可以去我facebook睇~ | 
Create Your Own!
